📘 ❞ الشيطانة الصغيرة ❝ قصة ــ شهد الوليد اصدار 2024

قراءة المزيد .. ❞ البارت الثامن عشر

ثاني يوم
سراج: يعني ايه مرجعتش من امبارح
اتين: معرفش معرفش قالت انها خارجه للمكتبه و مرجعتش
شهاب: الظرف ده كان متساب عند الباب
سراج: هاته
بدأ سراج بقراءه الظرف
مرحباً بالدوق العظيم سراج احب اقدملك نفسي انا فؤاد امير مملكه الظل و في الواقع بنت سموك مشرفه عندي ولو عاوزها اتعاون معايا و خرجني برا الإمبراطورية الا مش هتشوف بنتك تانى علشان تتواصل معايا ابقي سيب الرساله عند جسر النهر
اتين و هي تجلس : يعني ايه يعنى يا خيانه الإمبراطورية يا اما موت بنتى
برق: ده مش هيحصل بابا هات الجواب ده
سراج: هتعمل ايه
برق: هروح الإمبراطور هقوله علي اللي حصل و هو يتصرف

في القصر الإمبراطوري
برق: نوح انت بتعمل ايه هنا
نوح:انت اللي بتعمل ايه هنا
برق: عشق اتخطفت من الأمير فؤاد
نوح بصدمه: ايه ازاي ده حصل
برق:راحت المكتبه ومن وقتها مرجعتش
نوح : ازاي وانا موصلها امبارح لحد العربه
برق: العربه اصلا مختفيه مش موجوده في طريق البيت السواق كان مقتول في شارع من الشوارع الجانبيه اللي جنب المكتبه
نوح: و انت عرفت منين ان فؤاد اللي خطفها
برق وهو يعطي له الجواب: ده جالنا النهارده الصبح
اخذه نوح و قرأه ثم قال: طيب هتبعت جواب للمكان اللي قال عليه و تقولوا انكم موافقين تساعدوهم
برق:ونهجم علي اللي هياخد الجواب
نوح :لا لان مفيش حاجه تؤكد انه ممكن يقول مكان عشق احنا نمشي وراه لحد ما نعرف مكان عشق
برق: ماشي بس لازم الإمبراطور يعرف
نوح: انا هعرفه
برق: نوح هو انت بتعمل ايه هنا وايه صله قرابتك بالامبراطور
نوح بأبتسامه: قريب اوي هتعرف سلام

في قاعه الحكم
نوح : سموك
حسنى: في ايه يا نوح
نوح : لقينا الامير فؤاد بس فيه مشكله
حسني: ايه
نوح وهو يعطيه الجواب: انه خاطف بنت الدوق سراج الدوقه عشق
حسني: الانسه عشق ليه
نوح : سموك الانسه عشق هي السبب في انتصارنا في المعركه وهي كمان اللي حمتني واخدت الضربه مكانى
حسني بغضب: مكانك ان عصيت اوامر يا سمو الامير
نوح: بابا انا مستعد لاي عقاب بس ارجوك ننقذ عشق
حسنى:دي اللي اثرت قلب الأمير من غير ما تعرف هو مين
نوح بصدمه: سموك عرفت منين
حسني: مش لازم تعرف دلوقتي عنك خطه لانقاذ حبيبتك
نوح: اه ولو سمحتلي انفذها بنفسي
حسنى:علي الاساس لو مسمحتلكش مش هتروح روح انقذها بس تجيبلي فؤاد حي
نوح : اوامرك
لـِ شهد الوليد|الإعصار . ❝

قراءة المزيد .. ❞ البارت الثالث عشر

في الغابه
عشق ببكاء :نوح
نوح بخضه:في ايه بتعيطي ليه
عشق ببكاء:برق هيروح ساحه المعركه يا نوح هيسبني و يروح
نوح بحزن :اهدي يا عشق اهدي كل ده علشان نحميكم
عشق بدموع: نحميكم نوح قول انك مش هتروح الساحه زي برق
انزل نوح رأسه في الأرض بحزن ولم يجيب
عشق ببكاء: رد يا نوح رد عليا قولي انك مش هتروح و تسبني
نوح وهو يمسك وجهها بيده و يمسح دموعها:متعيطيش يا عشق دموعك غاليه اوي بالنسبه ليا انا هروح و راجع أن شاء الله و وعد هخلي بالي من نفسي بس في المقابل انتي كوني كويسه و اهتمي بنفسك
عشق :هتبعت لي جوابات تطمني
نوح:اه
عشق:وعد
نوح بحب: وعد يا عشقي و يوم ما ارجع أن شاء الله في حاجه لازم اقولها لك فأستنيني
عشق:هستناك يا نوح هستناك
نوح:الي اللقاء في القريب العاجل
عشق بابتسامه:الي اللقاء

ذهب نوح وبرق لساحه المعركه و كانوا كل يوم يرسلوا جواب لعشق لكن في يوم

عشق:ورد يا ورد
ورد:أيوة انسه
عشق : مافيش اي جوابات اتبعتت
ورد:لا سموك
عشق:ياربي بقالهم يومين مبعتوش حاجه
اتجهت عشق للخارج تبحث عن والدها لكن وقفت أمام باب المكتب حين سمعت انه يكلم والدتها
سراج:رساله عن طريق الحمام الزاجل
اتين:طب شوف بيقول ايه
سراج بحزن:برق
اتين بخوف:ماله برق في ايه
سراج:بيقولوا أن برق مات
اتين بأنهيار:ايه لا لا دى اخبار مش صح انا ابنى لسه عايش لااا

بعد سماع عشق تلك الكلام اتجهت علي غرفتها بكل سرعتها

عشق ببكاء:لا لا اكيد شافوا غلط انا برق وعدني أنه هيرجع لا لا لاااااا

انهارت عشق في البكاء الي أن غلبها النوم في المساء كان الجميع نائم معادا عشق التى استيقظت وا لألم يقسم قلبها الي نصفين

عشق :اكيد الكلام اللي اتقال الصبح ده كدب و انا هثبت لهم

فتحت دولابها و ارتدت زي الفرسان الذي اتي به نوح و اخدت سيفها و القوس و اتجهت للخارج بهدوء شديد و أخذت الخيل و انطلقت نحو ساحه المعركة
لـِ شهد الوليد|الإعصار . ❝

قراءة المزيد .. ❞ البارت السادس

بعد يومان في الغابه
نوح:كنت مستنيكي
عشق بابتسامه:و ياتري اتأخرت عليك
نوح بابتسامة:حتي لو هستناكي العمر كله
عشق بهمس:ايه التوقيع ده بقي مش كفايه عليا ضحكتك
نوح:بتقولي حاجه يا عشق؟!
عشق بانتباه:ها لا ايه مش ناوي تعلمني رمي الاسهم
نوح: اكيد طلبات عشق هانم مجابه
عشق بضحك:يا سيدي يا سيدي طب يلا بينا
نوح:بصي اقفي زي ما انا واقف كده
عشق:كده
نوح:ارفعي كتفك شويه
عشق:تمام وبعدين
نوح:حطي السهم بقي في القوس وشدي الخيط
عشق:كده
نوح:شدي الخيط للأخر
عشق:ده صعب اوي مش عارفه أشده
نوح :مش فاهم بتشيلي سيف ومش عارفه تشدي خيط
عشق بتذمر:علي فكره بقي السيف اسهل
نوح بضحك علي شكلها:طبعا اكيد

قال كلماته ثم وقف خلفها ومسك يدها التي بها السهم ووضعها في القوس وسحب الخيط لينطلق السهم بكل قوه

عشق في نفسها : ياربي ايه التوتر ده حاسه ان قلبي هيقف
نوح : عشق
عشق بأنتباه: اه ثم اكملت بحماس واااو ده حلو اوي شفت ازاي انطلق بسرعه شفت
نوح بابتسامة علي حماسه:شفت
عشق:انا همشي دلوقتي ماشي
نوح:استني هتيجي امتي
عشق:بكره إن شاء الله علشان تعلمني
نوح: و لو مجتيش
عشق:اليوم اللي هتيجي و متلقنيش هتلقيني موجوده في المكتبه
نوح:انهي مكتبه الإمبراطورية مكتبتها كثير
عشق:المكتبه اللي هتجمع بينا هتكون المكتبه القريبه منا سلام
نوح وهو يضع يده علي رأسه:ياربي علي الغازك يا عشق
لـِ شهد الوليد|الإعصار . ❝

قراءة المزيد .. ❞ البارت الأول

عنود: بتعملي ايه
عشق وهي تغلق هاتفها بأبتسامه تزين وجهها:كنت بقرأ اخر بارت في المانهو
عنود:انهي واحده
عشق:Virtues of the Villainess
عنود:اه بتاعت جنجير
عشق: يب نهايتها قمر اوي يا عنود بذات الحته لما ايزانا بيفوق ويقولها أخبرتك الا تغادري كيف بأمكانك تركي وحيداً هكذا مع نظرته ليها وهو بيقولها حسيت بفرشات في كل مكان هيييح
عنود بضحك: بقيتي صباره مزروعه في صحراء جرداء لا طعام فيها ولا ماء
عشق بضحك:حصل جدا
عنود: تفتكري يا عشق لو كنتِ مكان ليراجي كنتِ هتعملي ايه
عشق:كنت هتخلي عنه
عنود:اللي هو ازاى معلش ازاي هتتخلي عن حد بتحبيه
عشق:بس هو مش بيحبنى اللي بيحب حد يا عنود بيدور فين سعاده اللي بيحبه ليراجي كان لازم تتخلي عن ايزانا وقت ما لقته سعيد مع جينجر
عنود: الحبيب لازم يضحي اوقات لأجل سعاده حبيبه
عشق:بالظبط الحب مش عبارة عن تملك الحب بيروي الروح و المشاعر عمره ما كان عباره عن انا بحبك فمش هسيبك مش مهم سعادتك المهم انا
عنود بابتسامه:عندك حق لو كانت ليراجي سابت ايزانا من الاول و ركزت مع الشخص اللي حبها وكان عاوز يعمل لها كل اللي بتتمناه مكنش ابداً نهايتها الموت
عشق بتثاؤب:بالظبط اطفي علشان عاوزة اروح لعالم احلامي
عنود بضحك:ماشي يا ستى نامي وعلي فكره هصحيكي بكره أن شاء الله قبل ما انزل اروح لماما تصبحي علي خير
عشق بحب:وانتى من أهله يا عنود

ثاني يوم
استيقظت عشق وجلست علي السرير مغمضه العينين

عشق بتثاؤب:خير الله ما اجعله خير عنود سابتني نايمه مجتش رزلت عليا و صحتنى قبل ما تمشي
ورد:حضرتك صحيتي
عشق بنوم:حضرتك ايه الأدب اللي حل عليكي فجأه ده يا عنود
ورد بعدم فهم:نعم عنود مين
لتفتح عشق عيناها بسرعه ثم تصرخ قائله :ااااه انتي مين و فين عنود
ورد بخضه:في ايه انسه عشق اهدي في ايه
عشق بصريخ: عرفتى أسمي منين يا ماما يا بابا يا عنود يا فهد حد يلحقني
سراج بخوف:مالك يا بنتي ايه اللي حصل مالها يا ورد
ورد : معرفش سمو الدوق صحيت عماله تصرخ و تنادي علي شخص اسمه عنود
عشق بخوف :انت مين و فين بابا و ماما
اتين من خلف سراج:انتي جالك حمي تاني يا عشق في ايه
عشق:انتي مين
اتين بعدم تصديق:انا مين انا اتين مامتك يا عشق و ده سراج باباكي و دي ورد خادمتك في ايه
عشق بعدم فهم:اتين مين و سراج مين و ورد مين انا بابا اسمه سيف و ماما اسمها زهره و انا معنديش خدم انا عندي اخ اسمه فهد
اقتربت منها اتين بهدوء و وضعت يدها علي جبينها:انتي شكلك تعبانه يا عشق نامي يا حبيبتي
عشق :صح انام هو ده انا في حلم اكيد انا هنام و لما اصحي كل حاجه هتبقي زي الفل

وضعت عشق رأسها علي الوساده
لينظر كلاً من اتين و سراج لبعضهم بعدم فهم ثم الي عشق التي بالفعل غرقت في نوم عميق تركوها و غادروا الغرفه لتركها تستريح
في المساء فتحت عشق عيناها لتجد انها في نفس الغرفه التى كانت بها في الصباح

عشق وهي تضع يدها على رأسها:طب انا مخطوفه طيب
برق وهو يطرق علي الباب:صحيتى
عشق:انت مين
برق:واضح أن اللي ماما و بابا قالوا ده بجد انتى بجد مش فكرانا يا عشق انا برق اخوكي

نظرت له عشق بدون رد فهي لا تعلم بماذا تجيب فهى لا تفهم اي شيء

برق بتنهيد:قومى يا عشق علشان تتعشي قومي هناديلك ورد علشان تساعدك

قال برق كلامه وخرج من الغرفه وبعد ثواني كانت ورد معها لتساعدها في ارتداء ملابسها و تأخذها لغرفه الطعام

في الغرفه
سراج:عامله ايه دلوقتي يا عشق
عشق بهدوء: الحمدلله
في منتصف و هم يأكلوا كانت عشق تفكر فيما حدث لتأتي لها فكره تجعلها تقف بسرعه
برق:في ايه يا عشق
عشق :ها لا لا مفيش انا بس محتاجه اطلع اوضتي ارتاح
اتين:هو انتي لحقتي تاكلي
عشق:اه اه لحقت الحمدلله عن اذنكم
و تترك الجميع في حيره و ذهبت بسرعه الي غرفتها جلست علي السرير و بدأت تذكر تلك الفكره التي راودتها

عشق:طب و ليه لا مانا ممكن فعلاً اكون جوا حلم هو واقعي بزياده بس ممكن ولا دخلت جوا روايه زي ما بشوف في الروايات ايه جو الفانتازيا اللي أنا بقوله ده علي رأي عنود الروايات لحست دماغي
قامت وقفت في البلكونه و نظرت للقمر وقالت بابتسامه:انا اه مش فاهمه ايه اللي حصل بس هخدها أنها مغامره و هستمتع بيها

لـِ شهد الوليد|الإعصار . ❝

قراءة المزيد .. ❞ البارت السابع

في منزل عشق
كان سراج ينتظر عشق في غرفتها
عشق:بابا انت هنا
سراج: اه يا عشق تعالي اقعدي
عشق:في حاجه و لا ايه
سراج :مش بالظبط بس انتي بقيتي تروحي الغابه كتير اليومين دول
عشق:اها بقابل صديق ليا اتعرفت عليه وقت حفله الماركيز كان النادل اللي زعقت فيه اللي اسمها صباح باين
سراج:أيوة ايوه فاكره بتقابليه ليه
عشق: نوح بيعلمني رمي الاسهم هو انت مضايق اني بكلمه لانه مش من نفس طبقتنا
سراج:اكيد لا محدش فينا مختلف عن التاني يا عشق يمكن في نبلاء و في فقراء في اللي بشرتهم بيضا و بشرتهم سمرا و في اللي اجانب أو حتي أهل الإمبراطورية يمكن كل دي اخلافات بس في نهايه المطاف كلهم بشر وكلهم اتخلقوا بنفس الطريقة و من خالق واحد و هو ربنا
عشق:مهما كنت انت مين المهم اخلاقك مش مكانتك
سراج وهو يطبطب علي رأسها:بالظبط يا حبيبتي انا سألت بدافع اني اطمأن عليكي مش اكتر ابقي ادعيه في يوم يجي يتغدي معانا
عشق بفرح:بجد
سراج بابتسامه:بجد

(صاحبوا اولادكم متخولهمش يخافوا منكم بل يخافوا على زعلكم خلوهم لما يغلطوا يجوا و يقولوا ليكم و هما متأكدين انكم هتسندوهم مش هتكونوا اول الهاجمين عليهم )

ثاني يوم
برق:هتروحي الغابه
عشق:لا اتبعتت لي دعوه لحفله شاي من خطيبه اللي كنت مخطباله ده
برق:ادم
عشق: اها
برق:بس دي هتبقي حفله سف يا عشق
عشق:اشطا عادي حفله سف بالنسبه ليهم وحفله تأديب بالنسبه ليا يلا اشوفك بليل باي

في منزل الكونت ساجد (منزل خطيبه الماركيز ادم )
هدير بتكبر:اهلا عشق
عشق بغرور:تؤتؤتؤ الدوقه عشق دوقه عيله الجارحي اقعدي واقفه ليه
صباح: شفتم في اشاعات منتشره اليومين دول في الامبراطوريه عن حد من النبلاء مع شخص فقير بجد انا مشفقه علي النبيله دي
سلوي بسخريه:اووة سمعت الاشعه دي بيقولوا انها بعد انفصلها بدور علي حد يسد جفافها العاطفي
هدير :ها طبيعي اللي يسيب الغالي لازم يدور علي الرخيص
عشق وهى تأخذ رشفه من الشاي ثم نظرت في عيون هدير بنظره مظلمه جعلتها ترتجف:يا انتي كان اسمك ايه سهير بهير اه هدير انسه هدير مش اللي ساب الغالي بيدور علي الرخيص تؤ ثم أشارت علي نفسها وهي تتحدث بل اللي سبته الهانم تخده مساحه السلالم ثم أشارت علي هدير
هدير بغيظ:انتي تقصدي بأيه بالكلام ده
عشق بتجاهل: انسه صباح انا اللي مشفقه عليكي اظن انتي عارفه اشهر جمله ليا في الإمبراطورية المكانه لا تسوي شئ قصاد الاخلاق واكيد النبيله دي اللي انا لو اعرف هي مين هحيها علي تصرفها
عندها ان حد يحبها احسن متقفش خطبها كل يوم مع واحده شكل ومش بعيد يكون دلوقتي بيخون خطيبته الجديدة واحنا بنتكلم
ثم اوجهت كلامها لسلوي
عشق:مدام سلوي بالنسبه للجفاف العاطفي فأنا مش هعلق علي اللي انتي بتقوليه لان اكيد اي واحده لسه مطلقه من كونت كبير في الإمبراطورية هتزعل دلوقتي تشاو اشفكم مره تانيه و لا واني مش عاوزة اسفلت وش حد تاني باي
ذهبت عشق وتركت الفتيات يشتعلون من الغضب بسبب عشق
لـِ شهد الوليد|الإعصار . ❝

قراءة المزيد .. ❞ البارت الأخير

مضي الاسبوع سرعه كبيره واتي اليوم الموعود يوم زفاف نوح وعشق

عشق: ماما شكل حلو
اتين بفرحه: زي القمر ربنا يحفظك
برق بأبتسامه:مش يلا يا عروسه عريسك ناقص له شويه ويجي يخدك بنفسك
عشق بضحك: مجنون ويعملها
اخذه برق عشق واتجهوا ناحيه القاعه
في القاعه
نوح بحب: جميله زي ما عهتك دايما
عشق بحب: وانت مازلت بتخطف قلبي كعادتك

بدأت مراسم الزواج وتكرار كلا من نوح وعشق وراء المؤذون واخيرا تم اطلاق اخر كلمه
المؤذون: بارك الله لكما وبارك عليكما وجمع بينكما في الخير
نوح وهو يقبل رأس عشق: بحبك بحبك ومحبتش غيرك يا شيطانتي الصغيره
عشق بحب: وانا كمان بحبك يا امير القلب

فتحت عشق عيناها بتعب وهي تنظر للغرفه التى بها
عشق بتعب: نوح انت فين
زهره ببكاء: عشق بنتى انتى فوقتي الدكتور فين الدكتور
اتي الطبيب بسرعه و وراءه سيف وفهد وعنود
الدكتور: حاسه بأيه دلوقتى
عشق: الحمدلله بخير
الدكتور: طب الحمدلله هنعمل شويه تحاليل نتأكد بس ان كله تمام عن اذنكم
عشق:هو ايه اللي حصل
فهد وهو يحتضنها : حمدلله علي السلامه يا قلبي
عشق: برق اقصد ايه اللي حصل وانا بعمل هنا ايه انا اخر حاجه انا فكراها انتي كنت في البيت نايمه
عنود:اتفقنا اننا هنروح مطروح بس كنا عاوزين نعملك مفاجأه حطيتلك منوم في العصير وطنط جهزتلك حاجتك وعلي وقت السفر فهد شالك للعربيه
سيف:بس اللي حصل بعدها مكنش متوقع عملنا حادثه واحنا في الطريق والعربيه اتقلبت بينا انتى دخلتى في غيبوبه بسبب الخبطات الجامده اللي اخدتيها
عشق في نفسها: يعني كل ده حلم أنا ليه مصدومه مانا كنت عارفه يمكن لاني حبيت نوح و نسيت الحقيقة
زهره: عشق
عشق:انا بقالي قد ايه في غيبوبه
زهرة: 6 شهور
تم عمل الفحوصات اللازمه لعشق ثم خرجت من المستشفي فاقده الروح كانت تجلس في غرفتها دائما واصبح هادئه قليله الكلام
فهد: حبيبتي ايه رايك تنزلي المكتبه تغيري جو
عشق: مش قادره يا فهد بجد
فهد: مفيش حاجه اسمها كده قومي البسي وانا هوصلك قبل ما اروح لصحابي يلا
عند المكتبه
فهد: لما خلص قوليلي و انا هاجي اخد ماشي
عشق :ماشي
دخلت عشق المكتبه واختارت كتاب وجلست شارده تتذكر ذكرياتها مع نوح كانت عيناها تتلقلق بالدموع
اتاها صوت من الذي جالس امامها دون ان تنتبه
نوح: هو انا مش قولتلك قبل كده متعيطيش يا عشق دموعك غاليه اوي بالنسبه ليا
عشق بدموع: نوح للدرجه بقيت بتوهم وجودك
نوح وهي يمسك يدها: انتي مش بتتوهمي يا عشق انا هنا فعلا
عشق بصدمه: ازاي انا مش فاهمه حاجه
نوح: هشش احنا في مكتبه تعالي نخرج برا

في الخارح
عشق: فهمني انت ازاي حقيقي
نوح: 6 شهور ، 6 شهور وانتي ملزمه احلامي 6 شهور وانا بحلم بيكي 6شهور جوا قصه عالمها مستحيل يبقي من العصر ده مكنتش فاهم انتي بتظهريلي ليه بس اللي اعرفه اني مش عاوزك تختفي كنت بدور عليكي في وشوش اللي اعرفهم واللي معرفهمش لحد ما من اسبوع مبقتيش تزوريني في احلامي
عشق: وقت ما صحيت من الغيبوبه انت عرفت مكاني ازاي
نوح : معرفش يمكن بسبب جملتك اللي كانت ليا في الحلم فاكره ˝ المكتبه اللي هتجمع بينا هتكون المكتبه القريبه منا˝ انا لفيت علي كل المكتبات اللي قريبه من هنا علي امل انى القيكي وبدعي ربي في كل خطوه انى اشوفك تانى و اهوا سمع مني عشق انا عاوز رقم باباكي انا عاوزك تكوني مراتي ليا وبس موافقه
عشق بسعاده: موافقه
نوح بفرحه: بحبك يا شيطانتى الصغيره
عشق بسعاده: وانا كمان يا امير قلبي

وهنا تخلص حكايتنا علي جواز عشق نوح
الحب جميل بس مع الشخص الصح وزي ما قالت عشق مش بالالقاب ولا المكانه بل بالاخلاق
روايه المره دي البطله فيه قويه ودي هي رسالتي ليكي وهي انك مش ضعيفه ابدا انتي قويه بس تحت ستاره الضعف اللي نسجتيها بنفسك وصدقتيها
وبكده تكون خلصت روايتنا اشوفكم في روايه جديده
كل تمنياتي بالقوه و الصبر لمحاربه الحياه
لـِ شهد الوليد|الإعصار . ❝

قراءة المزيد .. ❞ البارت السابع عشر

في الإمبراطورية
عاصي:نوح في كارثه
نوح: في ايه
عاصي: امير مملكه الظل هرب
نوح بصدمه: نعم ده ازاي ده
عاصي: ضرب الجندي اللي دخل يحط له الاكل و سرق زيه
نوح: انشر في كل الإمبراطورية و كل البلدان المجاورة ان لو حد لقاه هيكون ليه جائزه كبيره جدا و انشر الفرسان في كل مكان انا عاوز عايش او ميت مش فارقه
عاصي: اومرك

مضي الوقت تحسنت عشق بشكل كبير لم يستطيع نوح زيارتها منذ اخر مره بسبب انشغاله بالبحث عن امير مملكه الظل

برق:نوح بقالي كتير مشفتوش
عشق: واضح انه مشغول في الشغل
برق : ممكن
عشق: بقولك ايه انا زهقت من قاعده البيت
برق: هتروحي فين
عشق: المكتبه
برق: هاجي معاكي
عشق: لا انا كويسه
برق: عشق فؤاد امير مملكه الظل هربان و ممكن جدا يستهدفك
عشق: ليه ان شاء الله و انا مالي
برق: لانك مثلا موتي نص جيش العدو
عشق: هي وجهه نظر تحترم و كل حاجه بس لا هروح لوحدي و اخد سيفي
برق:عشق بطلي عند
عشق وهي بتجري من قدامه : سلام

في المكتبه اخذت عشق كتاب و جلست تقرأه بعد فتره جلس امامها شاب لم تنتبه عشق كثير فهي تعلم ان الأماكن في المكتبه قليله

حيدر: لو سمحتي ممكن تديني الأوراق اللي جنبك دي
عشق وهي تعطي له الأوراق : اتفضل
اعطته عشق الورق و اكملت قراءه الكتاب دون ان عيونه تركز عليها

خارج المكتبه
احد الجنود: في حد لابس زي حراس السجن دخل المكتبه
نوح: طب خليك هنا احرس الباب و انا هدخل اشوف

في الداخل بدأ يبحث نوح عن فؤاد لكنه لم يجد احد ليهم بالرحيل لكن يقف حين وجد عشق و ذلك الفتى امامها ينظر لها بإعجاب شديد
ليذهب نوح اتجاهم و يضع يده علي كتف عشق بغيره و تملك

تحدث نوح و هو عيناه في عين ذلك الفتي : عشقي
عشق بفرح: نوح انت بتعمل ايه هنا
نوح بحب : كنت مع الجنود بدور معاهم علي الأمير الهربان
عشق: علشان كده مزرتنيش
نوح و هو يقبل يدها : حقك عليا يا عشقي بس انتي عارفه عمري ما يأخرني عن اني اشوفك غير الشديد القوي
عشق بابتسامه: عارفه من غير ما تقول
نوح: طب ايه مش هتمشي
عشق: اه همشي انا خلصت الكتاب اصلا
نوح: طب يلا بينا اوصلك للعربيه علشان اروح اكمل تدوير
عشق: تمام
تحرك كل من عشق و نوح الذي كان ينظر لحيدر بحده
اوصل نوح عشق للعربه ثم تركها ليكمل بحث عن فؤاد
في الطريق للمنزل
عشق و هي تتحدث مع السائق: ده مش طريق البيت يا حضره انت سامعني ده مش طريق البيت

وقفت العربه مره واحده و نزلت عشق لتري ماذا حدث لتجد مجموعه من قطاع الطرق يقفون امامها وضعت يدها علي السيف حتي تقاتلهم لكن هناك من كان خلفها و خدرها

فؤاد: هي دي اللي هزمت فرسانى هتوها
اخذ قطاع الطرق عشق و اتجهوا الي ذلك الكوخ القريب من النهر ثم ربطوها و تركوها الي ان تستيقظ
لـِ شهد الوليد|الإعصار . ❝

قراءة المزيد .. ❞ البارت الحادي عشر

ليذهبوا خارج البيت و يبدأ نوح يفتش في ملابسهم علي أي دليل يدين مملكه الظل انما عشق فقد عادت بذاكرتها للماضي وهي تري الجثث و الدم المبعثر في كل مكان

فلاش باك
عشق:عنود هو انا بكون ازاى وقت لما بغضب
عنود:بتكوني زي مريض الانفصام شخصيه بتكونى دمويه ممكن تتحولي لسايكو و تقتلي وقت غضبك
عشق بصدمه:انا
عنود:اه انتى مش فاكرة و احنا في إبتدائي لما الولد جه اتنمر عليا عملتى ايه
عشق:لا ايه اللي حصل
عنود:وقتها مسكتي الواد و نزلتي في ضرب لحد ما فتحتي دماغه وقتها اخدتي فصل من المدرسة
عشق بضحك: يالهوى انا عملت كل ده
عنود:اه انتي شخصيه دمويه سيكوباتيه
باك
نوح:عشق رحتي فين
عشق بأنتباه:ها أنا هنا في ايه
نوح:ختم مملكه الظل
عشق:مش دليل ممكن يقولوا اتسرق
نوح:ممكن خلينا نروح دلوقتي
عشق:يلا

في الإمبراطورية
عاصي: اتأخرت كده ليه يا سموك
نوح بهدوء:اتخطفت
عاصي بصدمه: نعم
نوح: اللي سمته اتخطت و لولا عشق بنت الدوق سراج كان زمانى دلوقتى في مملكه الظل
عاصي: انا مش فاهم حاجه ايه اللي دخل بنت الدوق بمملكه الظل بخطفك
نوح:انت بعد 12 الغباء بيعلي صح مملكه الظل اجروا ناس علشان يخطفوني و عشق كانت معايا
عاصي:هى دي اللي بتروح الغابه كل يوم علشان تقبلها
نوح: اه المهم عشق انقذتنى و لقيت ده مع اللي خطفونى
عاصي: ختم مملكه الظل طيب الاول ندي الانسه عشق مكافأه علي انقاذك
نوح: لا عشق متعرفش انى ولي العهد اصلا
عاصي: نعم امال بتتعامل معاك علي اساس ايه
نوح:واحد من عامه الشعب المهم سيبك من عشق دلوقتي في نقطه مهمه جدا
عاصي: مين من اهل القصر خاين علشان يعرفهم انك ولي العهد و موجود في الغابه
نوح :بالظبط

قطع تفكرهم ضرب جرس الإمبراطورية معلن عن هجوم احد الأعداء علي الإمبراطورية

الجندى: مملكه الظل بتهجم مملكه الظل بتهجم

لـِ شهد الوليد|الإعصار . ❝

قراءة المزيد .. ❞ البارت السادس عشر

نوح وبرق برعب:عشق
نوح: عشق اتماسكي
برق: عارفه لو غمضتي عينك لو غمضتي عينك مش هجيب لك ايس كريم تاني
ضحكت عشق بتعب:ده ايه العقاب القاسي ده

اخذ نوح وبرق عشق للمعسكر بسرعه حتي يسعفها الطبيب في المعسكر
برق:ها يا دكتور اخبارها ايه
الطبيب:الجرح عميق وللأسف فقدت دم كتير انا عملت اللي عليا ودلوقتي علينا انتظار أنها تصحي
نوح:تمام يا دكتور روح شوف باقي المصابين
برق:انا بقول اني اخدها وارجع البيت
نوح: مينفعش عشق جرحها لسه مفتوح والطريق مش سهل علشان تمشوا خليكوا هنا يومين لحد ما تتحسن و اه روح كلم القائد و انا هقعد معاها
برق:تمام
خرج برق وأمسك نوح يد عشق وقلها بهدوء
نوح:اصحي بقي يا شيطانتى الصغيره عاوز اشوف عيونك من تانى

مضي يومان ولم تستيقظ عشق بعد ومع إصرار برق الشديد للذهاب للمنزل وافق نوح لكن بشرط أن يذهب الطبيب معه

في المنزل
اتين بخوف:عشق بنتي عشق
برق: ماما عديني احطها في اوضتها الاول بس
في اوضه عشق
اتين :ايه اللي حصل يابني
برق:حمت نوح من الهجوم واخدته هي
سراج بحزن:ليه كده يا بنتي ليه تروحي للخطر برجلك
برق:متزعلش منها يا بابا لولا اللي عشق عملته محدش فينا كان زمانه عايش و كان زمان الإمبراطورية محتله عشق انقذتنا و انقذت الإمبراطورية

ثاني يوم
كان يجلس نوح و برق في غرفه عشق
نوح:مفيش تحسن
برق:لا الدكتور مشي قبل ما تيجي و قال إن الجرح بيلم لكن امتي تفوق هو ميعرفش زمانك جعان هروح اخلي ورد تحضر الاكل
نوح:ماشي

ذهب برق و نظر نوح لعشق متأمل وجهها بحب واشتياق شديد

نوح:عشقي فوقي بقي كفايه غيبه غيابك طول و قلبي عطشان عاوز يسمع صوتك و يرتوي من عيونك
عشق بتعب:و ياتري قلبك قالك ايه كمان
نوح بفرح:عشق عشق ثم أضاف بصوت عالي عشق فاقت يا برق

اسرع الجميع علي غرفه عشق بعد سماع صوت نوح

اتين وهي تحتضنها بدموع: بنتي انتي كويسه دلوقتي حاسه بأيه
عشق بأبتسامه:انا بخير يا امي متقلقيش
سراج:انا كنت عارف انك متهورة بس انتي طلعتي مش متهوره لا ده انتي طلعتي مجنونه و دماغك هربانه منك
عشق:حبيبي و الله مرسي
برق و هو يحتضنها:وحشتيني يا قلب اخوكي
عشق:و انت كمان يا حبيبي ثم اوجهت كلامها لنوح واقف بعيد ليه يا نوح كده
نوح بحزن:انا اسف يا عشق مقدرتش احميكي و عرضتك للخطر
عشق:متقولش كده يا راجل ده احنا اهل
برق:بقي دي منظر دوقه دي
عشق و هي بديق عينيها:و مالي بقي ياسي برق انت
نوح لضحك: شيطانه صغيره
برق: تصدك طب و الله اللقب لايق
عشق:لما افوق ليكم انتم الاتنين هوريكم مين الشيطان الحقيقي
نوح: لا اذا كان كده استأذن انا
سراج: استني اقعد اتغدا معانا
نوح: مرة تانيه ان شاء الله بس دلوقتي لازم امشي ضروري
سراج: ماشي بس اعمل حسابك تتغدا معانا في يوم وصله يا برق
لـِ شهد الوليد|الإعصار . ❝

قراءة المزيد .. ❞ البارت العاشر
لتجري مسرعه لخارج الغابه و عندما تصل تجد أن ذلك الشخص وضع نوح علي الخيل و انطلق مسرعاً خارج حدود المملكه

عشق وهي تأخذ الحصان من أحد المارين:اسفه مسئلة حياه او موت هرجعوا تاني

قالت كلماتها و ركبت الخيل وذهب مسرعه خلف ذلك الشخص
بعد مده من المطارده وقف ذلك الشخص في قريه لا يسمع فيها سريخ ابن يومين وضع نوح في كوخ صغير و وقف يتحدث مع اثنان آخرون لتقترب منهم عشق بهدوء وهي تختبئ خلف احد الأكواخ لتسمع ما يقولون

أحد الخاطفين:علي الصبح نوديه لمملكه الظل و نقبض مكافأتنا خلينا نحرسه طول الليل علشان ميهربش
عشق بأستغراب:مملكه الظل ايه اللي دخل نوح مع مملكه الظل عموماً لازم أنقذه دلوقتي وبعدين ابقي اشوف الموضوع ده
هيكون تهور لو هجمت الثلاثه سوا خلينا نشتتهم

انتقلت عشق خلف الكوخ الذي به نوح ثم اختبأت وراء أحد الاعمده و أثارت بعض الضجه

احد الخاطفين:انت روح شوف ايه الصوت ده
الخاطف :حاضر ذهب للخلف و عندما رأته عشق خرجت من مخبأها و وضعت يدها علي فمه وهمست قائله
عشق بهمس:احلام تعيسه ابديه

ثم قطعت رأسه بالسف ووضعت جثته في الجانب وانتظرت خلف
العمود مره اخري حتي يأتي احد اخر ليتفقد من ذهب وحدث كما قالت عشق جاء الثاني والثالث بالتدريج وانهت عشق عليهم

داخل الكوخ
عشق:نوح نوح فوق نوح
بدأ نوح بفتح عيناه ببطئ
نوح:عشق ثم نظر إلي زيها الزي كان يملؤه الدم
نوح بخضه:عشق ايه اللي حصل ايه الدم ده
عشق بابتسامه : متقلقش
نوح :مقلقش ازاي بكميه الدم ده ثم نظر حوله وقال احنا فين
عشق وهي تقف:في قرية مهجورة كنت مخطوف
نوح وهو يرفع حاجبه :مخطوف امال فين الخاطفين
عشق:سؤال غبي بس بسيطه مقتولين ورا الكوخ
نوح بصدمه:نعم
عشق بابتسامه:قتلتهم ورا الكوخ
نوح :مش ده الوش اللي يقول الكلام ده خالص
عشق: ايه علاقتك مع مملكه الظل
نوح :مملكه الظل؟
عشق:اها كانوا بيقولوا انهم عاوزين يسلموك لمملكه الظل
نوح في نفسه: بدأت الحرب بدرى يا ملك الظل
عشق:ها رحت فين
نوح :ولا حته انا بس كنت دلقت في مرة كوبايه عصير لما هان امبراطور
عشق بصدمه: ولسه عايش
نوح بتوتر :ما ما مهو الامبراطور قال قدامه أنه هيعاقبنى بس لما مشي كفأنى لانه كان عاوز يعمل كده من اول ما شافه
عشق بضحك:ايه الجنان ده بجد الامبراطور عسل اوي
نوح:عشق عاوز اشفهم
عشق:الجثث
نوح:اه
عشق :ماشي
لـِ شهد الوليد|الإعصار . ❝

قراءة المزيد .. ❞ البارت الثامن
ثانى يوم
نوح : مجتيش ليه امبارح
عشق:كان عندى حفله شاي
نوح: اه ماشي صحيح هو انا ليه مش شايفك لابسه زي الفرسان
عشق:لاني مش فارسه مش هنكر اني عاوزة اجربه بس زي ما قولت انا مش فارسه
نوح:ممم ماشي
عشق:صح بابا بيدعوك انك في يوم تيجي تتغدا معانا
نوح بصدمه:اه اكل معاكم
عشق:اه مالك مصدم كده
نوح:ازاي ده انا من العامه وانتم...
عشق بمقاطعه:نوح مهما كانت انت مين المهم اخلاقك مش مكانتك
نوح:هو انتي عادي تتكلمي مع باباكي عليا كده عادي
عشق:اتعودت اني احكيله وكمان اخبي ليه انا مش بعمل حاجه غلط
نوح:مش فكره صح ولا غلط فكره هو مخفش عليكي اكون مش كويس أو حاجه
عشق بنظره مخيفه:وانت لو كنت مش كويس كان زمانك عايش بابا وبرق عارفين كويس اني مش ضعيفه وان لو حد قرب مني موتوا هيكون التمن
نوح وهو بيبلع ريقه بخوف: اه طبعا اكيد هتروحي
عشق بابتسامه:اه صح الكلام معاك وخدي سلام اشوفك تاني

بعد ذهاب عشق تنهد نوح براحه
نوح:دي مش عيون انسان طبيعي ده زي ما الإشاعات بتقول وقت الغضب بتكون عيون قاتل

تكرر اللقاء ما بين عشق و نوح وفي كل مرة يزداد توترهم عندما يقتربون من بعض و تزداد مشاعرهم اكثر

بعد اسبوع في منزل عشق
عشق:بابا هو انا ينفع نوح يتغدا معانا النهارده
سراج:اكيد يا حبيبتي
برق:نوح مين
عشق بحماس:هيجي النهارده هعرفك عليه هتحبه خالص انا همشي دلوقتي علشان متأخرش سلام
برق:هو انا بيتهيقلي ولا عشق متحمسه انها رايحه تقابل اللي اسمه نوح
اتين بهدوء:واضح أن اخر العنقود يتغوط في البحر
برق: يعني ايه
اتين:يعني اختك وقعت في الحب
برق بصدمه:نعم وقعت في الحب و هتحب و تتحب وتتجوز وتبعد عنا لا انا مش موافق ايه ده
اتين بضحك:مش عاوز اختك تسيبك و لا ايه
برق:اه عشق تكون شمس البيت يا بابا هتسبها تمشي
سراج:مين قالك اني هوافق علي اي حد يتقدملها بنتي هتفضل في حضني
برق بفرح:أيوة هو ده الدوق سراج
اتين بصدمه: سراج انت بتقول ايه هتقعد بنتك جنبك
سراج بغيره:اه انتي عاوزة حد يخدها مني لا مستحيل
اتين:الصبر الصبر
لـِ شهد الوليد|الإعصار . ❝