تخدعك المظاهر أحياناً وتظن أن كل المحيطين بك هم أكثر... 💬 أقوال أحمد جواد " 𝙰𝙷𝙼𝙴𝙳 𝙶𝚆𝙰𝙳 “ 📖 كتاب يومياتي

قراءة المزيد .. ❞ إن كنت ساخط علي حالك وشايف إنك عايش حياة بائسة أو مبتلى في حياتك وحاسس إن ده ظلم ، فصدقني إنت كده اللي ظالم نفسك لإن حياتك الصعبة هي شاهد عليك يوم القيامة ياترى قبلتها برضا واتحملت وجاهدت فيها قدر استطاعتك ولا امتعضت واعترضت ، وإوعى تفتكر إن اللي عايش أحسن منك وفي نعمة انت محروم منها أو تستحقها لإن إعتقادك ده غلط ، بسبب بسيط إن اللي ربنا مديله حياه وظروف أحسن منك هو كمان مبتلى زيك وحياته الجميله اللي بتحسده عليها هي كمان شاهدة عليه يوم القيامة ياترى أنفق فيها من عمره وصحته وماله في مرضاة الله ولا عاش في ترف وغفلة ولامبالاة.
ربنا مبيظلمش حد ابداً ولا يكلف نفساً إلا وسعها ، طب والحل ؟
الحل إنك تصبر وتحتسب الأجر من الله وبص قدامك وأسعى في الطريق المتاح قدامك ويناسبك ومتفتكرش ان ده شوية كلام مخدر يخليك تلاقي سبب للصبر والرضا وتسكت ، بالعكس لو وصلت لقناعة السعى والرضا بما قسمه الله لك تكن اغني الناس وتسكن الراحة قلبك وتطمئن نفسك . ❝

❞ أتصفح الفيسبوك وكأنى مهتم بما يُنشر فيه من الصفحات التي أتابعها ، ولكن السؤال هو كم مرة انتبهت لمحتوى تلك المنشورات ؟.. فى أغلب الأحيان يكون ذهنى مشغول ببعضٍ من الملل مرافقاً له توهان ، ينتهى الأمر أخيراً بعد أن يزيد معدل الملل ويتراكم بجانب آخريات من القلق والأرق والضيق ، أقم بإغلاق كل شيئ بحجة الإجهاد الذهنى لعمل شيء آخر مفيد كالقراءة أو مشاهدة بعض البرامج الوثائقيه أو احد الاعمال الفنية التي أُرجأها دائماً للمشاهدة لاحقاً ، حتى أن لاحقاً نفسه مل من إنتظارى وراح في غفوة حتى حين.
#أحمد جواد . ❝