█ حصرياً جميع أعمال ❞ دار ضاد للنشر والتوزيع ❝ أقوال ومأثورات 2024 ❰ ناشرين لمجموعة من المؤلفات أبرزها 18 نيسان أجلك أضحي النداه قصتي مع الشيطان حكايات تاليا أرواح مأجورة انهزام خمس ساعات الراوي لحن الإدمان وأمواج الرحيل ❱
❞ فجأة عمرى منى يفرط زى خرزة فى حبل سبحة
روح بتنتهى فى العناية والطبيب تشخيصه ذبحة
احتضار الروح مجازاً لا يُقاس بمعانى واضحة
مهما تضحك أو تِدارى الهموم فى البصة فاضحة . ❝
❞ كانت هنا
بنت بضفاير
شعرها بيحكي ف سُكات
عينيها بيت الأمنيات
كانت ملاك
أو هو كان شايف كده
حلفت تكون دايمًا معاه
وبعد فترة من الفراق
واما سألها بصوت حزين
ازاى وليه عملت كده
قالتله فوق مالوهم ده
الحزن عندك حزن خام
وانا قلبي خام
يجبرني ايه افضل كده؟ . ❝
❞ تجمع الذكريات فى أوردة الحنين هى الجلطة
مش عارف هل كنتى الغلطة أو كان مين ؟!!
من ست سنين لِسّانى بسأل
إزاى من طين ؟!!
باسم المولى اللى خلقنا
بروح واحدة وقسمنا اتنين
وجعلنى مالح بالفطرة
وخلاكى طَهور
ويشاء نتلاقى أنا وانتي
زى البحرين ويصيبنا فتور
من أول شباك فى عنيكي
ولآخر السور
ولأول ضحكة بِكريّة
تشبه للحور
ولآخر كاس خمرة معتَّق
والسُكْر الزور
ولأمى باب ربى التامن
وقُليبى البور
ولأول صدمة كسرتني
ومَلتنى كسوور
ولمجدى .. اللى بيفهم صمتي
ويحول نظراتى كلام
للبصة اللى بتقتل دايماً زى الألغام . ❝
❞ من بين كل بارات الهرم .. ولآخر حانة فى الموسكى
ومن تناغم عيون السكرانين .. مع كل كاس ويسكى
وتبص فى عنيهم تلاقى الدنيا خام
فتاة الليل بتتمايل بين ربوع البار الرخام
أول كاسين ما كانوش حرام .. علشان كنت بنساكى
تانى كاسين ما كانوش حرام .. بصى هنا وراكى
آخر كاسين ما كانوش حرام .. فرشت روحى على يدى وقولت روحى فداكى . ❝